البابا فرنسيس: العالم يواجه شرّين – شو الفكرة؟

احد الصحافيين سأل البابا فرنسيس، شو هي الأخطار يلي بتواجه العالم اليوم، فجاوبو:

شران: بطالة الشباب و عزلة الشيوخ، تنيناتون فَقدوا القدرة على الحلم، والحاضر سحقهم، و الكنيسة معنية فيون لأنو هالوضع يسحق الأرواح والأجساد، معًا.

شو الفكرة؟

بسبب الأزمات السياسية والاقتصادية يلي عم يمرق فيا العالم اليوم، الشباب خسروا أحلامن، وصار الحلم الوحيد تأمين لقمة عيشون، والخوف من الغد اخد محل الطموح، وهيدا أكبر خطر بيهدد مجتمعنا اليوم، لانو بيدفع بالشباب للانتحار الفردي مثل الشهيد جورج زريق يلّي حرق حالو بمدرسة بنتو بسبب عدم قدرتو على دفع أقساطا، أو الانتحار الاجتماعي من خلال التخلي عن القيم الأخلاقية بسبب الفقر وفقدان الإحساس بالأمان.

اسئلة كتيرة بتنسأل خصوصًا بعد وثيقة الأخوة الإنسانية و زيارة البابا إلى الإمارات:

شو هيّ مسؤولية الدول، وتحديدًا لبنان  خصوصًا وإنّو هو من أكثر المجتمعات تأثرا بالنزاعات الطائفية؟

شو حجم مسؤولية المواطن اللبناني و السياسيين اللبنانيين للوصول للعيش المشترك والتقيد بوثيقة الأخوة الإنسانية؟